मेरी साथीका साइँलाबा

म र मेरी साथी एक दिन स्कुलमा ।
मः (साथीको निधारको रातो अक्षता तिर हेर्दै) किन टिका लगाकी?
साथी:साँइलाबाले रक्सी खान छोडेकोमा टिका लगाइदिनुभाको ।
अर्को दिन,
मः आज पनि टिका?
साथी: साँइलाबाले आज नि रक्सी खान छाड्ने भनेर टिका र दक्षिणा दिनुभयो, यसले नै खाजा खानुपर्ला ।
पुनश्च अर्को दिन
मः साथीको निधार हेर्दै प्रश्न गर्न तयार हुँदै गर्दा)
साथी: आज पनि साइँलाबाले रक्सी छोड्ने भनेर कसम खाँदै टिका लगाई दक्षिणा दिनुभाछ, अब खाजाको लागि पैसाको चिन्ता छैन ।
म निशव्द  हुन्छु ।